Search This Blog

Friday, April 8, 2016




اهلين بنات ان شاءالله كلكم تكونون بخير

اليوم بشارككم مفضلاتي للشهر اللي فات مع مفاجئتين لكم بمناسبة انه  اول بوست مفضلات انزلها يا رب تعجبكم


جهزو قهوتكم عشان تروقون و انتو تقرون هالتدوينة




نبدى بمنتجات الوجه

 nude air serum  عندي حالة عشق مع فاونديشن ديور



اي مناسبة عندي هو اللي اعمتد عليه , و اذا بشرتك ما فيها عيوب بتحبينه. من اسمة هو عبارة عن فاونديشن و سيروم قوامه جدا سائل و مو طبيعي كيف خفيف و ما يوضح لك عيوب سواء مسام او خطوط وغيرة, بما انه سيروم فهو يظل يرطب بشرتك طول ما انتي حاطته, تغطيتة متوسطة و تقدرين تبنين اكثر من طبقة بدون ما يبان مكتل. اذا بشرتك دهنية ما راح يناسبك انا مختلطة و يدهن معاي بعد كم ساعة و مع ذلك يظل كل شي ثابت فيمسك البلش و البرونزر طول الوقت

(انا ما احط بودرة كثير بس كمية بسيطة على المناطق الدهنية عندي بشكل خفيف)


ثاني شي هو البودرات


هذول الثنتين ما استغني عنهم, بودرة بينفت خفيييفة و مهي من النوع اللي يبين عيوب البشرة او ينشفها, اخليها بشنطتي و احيانا اخلطها مع البودرة الثانية اللي هي ساشا

هالبودرة شريتها لاني سمعت عنها مدح كثير من يوتيوب و قالو انها افضل من بنانا و فعلا حبيتها اكثر, ما تنشف تحت عيني و هالمشكلة واجهتها مع بن ناي بنانا

 مشكلتها الوحيدة ان لونها اصفر بزيادة فتطلعني مريضة و ما تعطي اشراقة لو كثرت منها فأخلطها مع بودرات ثانية افتح مثل لورا مرسير و هذي اللي من بنفت

 بودرة ساشا اخذتها من موقع ليمتد ايدشن 



البلش و الاضاءة


بلش من اتش اند ام درجتة مشمشية و ثباته عالي تقريبا 5 ساعات ما يبان كطبقة بودرة على البشرة و لونه قوي, الاضاءة من ماك ما كان ودي انزلها لانها للاسف ليمتد ايدشن و ودي لما احط شي تقدرون تجربونة بس صراحه من جبتها ما استغني عنها ما عندي ولا شي مثلها تعطي لوك البشرة المبلولوة و هالشي كنت ادور عليه من زمان

العيون
اول شي خلينا نبدى بالحواجب


هالمنتج اسيوي و طلبته كمان من ليميتد ايدشن فرشتة مميزة يجي بطرفها اسفنجة مشطوفة ترسمين فيها حاجبك, يعطيني لوك طبيعي حلو لكل يوم و يختصرعلي الوقت خصوصا الصباح كتبت عنها ريفيو مفصل بأنستغرام تقدرون تشوفونه هنا

للايشدو و البرايمر هذي مفضلاتي



للبرايمر حابة حق بنفت "اير بترول" كتبت عنه بأنستغرام ريفيو كامل يثبت الشدو و يتحكم بجفني الدهني

باليت توفيسد تشوكلت بار الاصدار الثاني , اول ما شريتها ما توقعت اني بستعملها كثير بس الصراحة ما استغني عنها ابدا بأي لوك اسوية, الشدوهات ناعمة و واضحة و تنمدج بسهولة و احلى شي ان ريحتها شوكلاتة

الشدو الثاني من اتش اند ام, ابهرني احس ابي اروح اشتري الوان زيادة, هو اول لون من اليمين بني دافي و مناسب كدرجة انتقالية او لكل يوم على كسرة العين, يندمج بكل سهولة و يعطي لون قوي من اول مرة و ناعم جدا

h&m shadow in gingerbread 

الاكحال


هذول الاكثر استعمالا عندي بشكل ثابت, للايلاينر مرة حبيت القلم الجل من ماك فضلته
 على حق بنفت. سهل بالرسم و سوادة فاحم و الكحل الثاني كمان من ماك لونه كحلي, جودتة عالية و الفرشة مرة دقيقة لو حابة تجربين الالوان بس متخوفة من حدتها خذي هذا كنوع من التغير, لونه يبرز العيون البنية بشكل حلو

الكحل البيج كمان من اتش اند ام,  قوامه شمعي فيمسك داخل العين و انا عيني تدمع بسرعة بس يظل ثابت, كمان حبيت قلم الشدو منهم اخذت البني لونه قوي و يندمج بسهولة و ثابت كل شي جربته من مكياجهم للحين حبيته

قلم شدو ثاني حابته من ماركة غوش اخذتة من دبي من لايف ستايل بالامارات مول الصورة ظالمته لان لعمته ما شفت زيها ابدا و جودتة عالية اتمنى يفتحون عندنا



و الحين احلى فقرة الرمووووووووش



هذول الثلاثة هم كانو خياراتي الدائمة و زي ما انتو شايفين الستايلات مختلفة كله جودتهم كويسة و سهلين بالتركيب و مريحين على العين

الاولى من بلنك لاشز اسمها "اون فاير" شعرها مينك و كثيفة, دايم مخلصة من عندهم

ثاني وحدة اسمها ميما رقم 3 من ماركة غيت لاش شعرها كثيف بس مفرق فتكبر العين

ثالث شكل كمان مينك من ماركة دول تولز اند لاشز و اسمها دبي دول احب انها مسحوبة من الاخر بس بشكل غير عن التقليدي و الرومش فيها موزعة بشكل عشوائي تحلي اي عين تلبسها

الارواج 
   تلقون الريفيو و سواتشات لالوان ثانية هنا choc thearpy محدد اتش اند ام درجة 

للارواج السالة صاير بس اخلط هالاثنين, الاول اسمه مارشميلو من كولورد راين احسه هو كاشمير للبشرات البرونزية او الحنطية ما يطلعني شهبة او مريضة لما احطة و الثاني من غيرلاكتيك اسمه ستارليت. هالروجين قوامهم خفيف على الشفايف ما ينشفونها و يدومون لوقت طويل

اخر شي هو الفرش

وصلوني من فترة من ماركة يابانية جديدة للتجربة و الصراحة حبيتهم, اكثر شي بهرني اني لما جيت اتمكيج فيهم ما اضطريت استعمل اي من فرشي الثانية فاللي ما عندها فرش و حابة تشتري تاخذ منهم الست كامل لانه يفي بالغرض, في شعر صناعي و طبيعي و جودته تذكرني بخليط بين زويفا و ريل تكنيك و يعطونك غشاء حاي لكل فرشة عشان السفر او بعد الغسيل للحافظة على شكلها لفترة اطول و اسعاره مرة مناسبة و يشحنون لاي مكان بالعالم دايركت فما يحتاج بريد امريكي انا توقعه انهم بينشهرون و بتزداد اسعارهم فالحقو عليهم

 roro10هذا موقعهم و عطوني لكم كود خصم تحطونة لما تحاسبون اللي هو  


هذي فرشة الفاونديشن شدني شكلها لاني شفت مثلها عند اكثر من ماركة و تذكرني بفرش الكونتور اسمها الفا, استعملتها اكثر من مرة تدمج الفاونديشن بشكل سريع و بما ان شعرها متماسك فما تمتص الفاونديشن و استفيد من الكمية اللي بستخدمها للتوزيع




فرشة الكونسيلر اسمها "ديفجون" صرت استعملها بدال البيوتي بلندر لدمج الكونسيلر و تعطيني نفس النتيجة , تدمجه لي بسرعة و سهولة و استعملها كمان لتثبيته, حجمها جدا مناسب لتحت العين



هذي الحب و اسها اينفنتي, مثالية لتثبيت الفاونديشن بالبودرة شعرها جدا ناعم و تمسك بجزيئات البودرة و توزعها بشكل متساوي




فرشة الكونتور و اسها بيتا, حجمها  مناسب للكونتور و الشعر سماكتة مثالية اقدر فيها احدد المنطقة و ادمج البودرة بنفس الوقت




اخر وحدة للاضاءة او تثبيت الكونسيلر اسمها فاكتوريال, انا استعملها للاضاءة لانها توزعها بطريقة  ناعمه على الوجه و اقدر ادمج الهايلايت فيها على بشرتي بمكانه عشان يبان طبيعي بدون ما انثر اللمعة بكل مكان , اعتبرها من مفضلاتي ضمن مجموعتهم و نادر ما القاها بمجموعات ثانية



و بكذا اكون خلصت مفضلاتي جمعت لكم اكثر الاشياء اللي احبها, شاركو هالبوست مع بنات تحسون المنتجات بتعجبهم

No comments:

Post a Comment