Search This Blog

Monday, December 19, 2016

سلسلة الأساسيات: 11 نصيحة لنظافة الشدو


  • اهلين جميلاتي وحشتوووني

موضوعنا اليوم عن نظافة الشدو و هو من اهم الاشياء بالنسبة لي, راح اعطيكم نصايح بسيطة تفرق الشكل النهاىي





اول نصيحة: تأكدي انك هيئتي جفنك صح, استعملي برايمر عشان تزيدين من ثبات الشدو و قوة اللون تكلمت عن برايمر العين من قبل هنا, هالخطوة مهمة كمان للبنات اللي عندهم تصبغ بالجفن و ما يبان لون الشدو معاهم بشكل واضح زي ما هو بالباليت 

ثاني نصيحة: اختيار اللون الاساسي اللي يكون قريب من لون بشرتك, منطقيا ما يصير بنت سمراء او حنطية تحط شدو ابيض على جفنها و تتوقعة بيبان طبيعي بالعكس مرة مو حلو و بيقلب باهت و رمادي خذي شي يكون بيج و دافي و احرصي ان اللون يكون قريب من لون بشرتك


ثالث نصيحة: نظافة الفرش, كثير بنات يشتكون ان لون الشدو بالباليت غير عن لما
 يحطونه على عيونهم و غالبا يكون السبب هو ان فرشة وصخة فحلو تخلين عندك فوطة صغيرة تمررين عليها الفرشة ما بين الالوان عشان تمسك اللون بشكل واضح و احرصي علي غسيل فرش كل اسبوعين


رابع نصيحة: اختاري فرش الدمج اللي تناسب حجم عينك عشان يتوزع اللون صح و ما يوصل لعظمة الحاجب او يدخل على لون الجفن و يتلخبط اللوك عليك و يصير كله لون واحد فيصعب تنظيفة, في خيارات كثيرة بالسوق و اونلاين و ضروري يكون عندك اكثر من فرشة للدمج الدقيق او الدمج العام بين الالوان عشان تتجاتنس, ابدا لا تستخسرين بفرش الدمج تراها تلعب دور كبييير بالنتيجة النهاىية و تسهل عليك الشغل مررررة




خامس نصيحة: اللون الانتقالي شي مهم بأي لوك تسوينه سواء كان خفيف او ثقيل لانه بيسهل عليك تدرج الالوان و تداخلها, كثير بنات يفكرون ان اللون الانتقالي يعني شدو برتقالي بس هو ابدا مو لازم يكون برتقالي انتي اختاريه من تدرج الوان اللوك اللي بتسوينه يعني لو بتسوين شدو بنفسجي او وردي او رمادي ما يصير تحطين برتقالي ما راح يبان متناسق,  ينحط بين الكسرة و عظمة الحاجب عشان يخلق لك تدرج متناسق للألوان من الافتح للأغمق و هذا هو هدفنا لما نسوي اي لوك للعين ان تبان الالوان مدموجة و متداخلة بدون خطوط او فواصل 



 سادس نصيحة: خذي وقتك بالدمج , لا تاخذين كمية كبيرة من الشدو لما تبدين دايما خذي كمية قليلة و تأكدي انها مدموجة و ابني اللون بالتدريج خصوصا لما تكون الالوان غامقة , جدا سهل انك تزيدين من حدة اللون اذا الاساس صح و مدموج و صعب تقللين من الكمية او تعدلين عليها لما تكثرين 

سابع نصيحة: عشان تتفادين حوسة الشدو و انه يوصل لعظمة الحاجب او لو تبين تبرزينها بشكل طبيعي بدون لمعة, لما تخلصين من رسم حاجبك و تنظيفة بالكونسيلر حطي كمية كويسه من الشدو الفاتح تحت الحاجب و اتركيها كأنك تسوين(بيكنغ) بس لتحت الحاجب و اشتغلي بالشدو عادي و لما تخلصين انفظي الشدو بيعطيك نتيجة نظييييفة و اضاءة طبيعيه للمنطقة و الحلو ان بيكون زي حاجز ما يخلي الوان الشدو توصل للعظمة, ممكن الحين تحطين لمعة او اتركيه مات طبعا اللي تشقر او فيها شعر كثيف لا تحطين لمعة على العظمة ابدا مو حلو




ثامن نصيحة: اذا بتشتغلين بالوان غامقة و اللوك ثقيل لا تحطين كونسيلر تحت عينك عشان تتفادين اي تساقط من الشدو بيحوس الدنيا و بتضطرين تعيدين , اشتغلي على عينتك براحتك بعدين نظفي المنطقة و حطي الكونسيلر كذا انظف و اريح


تاسع نصيحة: الايلانر مهو الشي الوحيد اللي يحدد و يرسم عينك في كثير طرق عشان تبرزين شكل عينك بطريقة طبيعيه بأستخدام الشدو, ممكن تبدين بقلم كريمي على خط الرموش و تدمجين شدو غامق على فوق و تسحبينه على برى, كذا تبرز عيونك بشكل ناعم و ممكن تسوين هالحركة اذا تواجهين صعوبة بالايلاينر


عاشر نصيحة: تنظيف طرف الشدو من الزاوية الخارجية من الحركات الحلوة لأعطاء العين حد و سحبة ممكن تستعملين شريط لازق من البداية او لو كان يحسسك و يخليك تدمعين مثلي و انتي تدمجين ثبتي أيدك اي بزنسس كارد او ورق مقوى عشان تحصلين على نفس الخط الحاد و هالشي ممكن يغنيك عن الايلاينر كمان 


اخر نصيحة: اتركو الرموش كأخر خطوة, كثيييرالاحظ بنات يكونون مركبين رموش و لما تطالع تحت يكون الرمش كأنه مغبر او عليه لمعة و السبب من ورى هالشي ان البنت بعد ما تركب رموش تحط ايشدو مات او لمعة و هالشي كله بينزل على رموش التركيب زي ما ينزل على رموشنا الطبيعية فيبان الرمش باهت و فالشغل يبان ابدا مو نظيف, دايما خلو تركيب الرموش كخطوة نهائية و احرصي انك قبل ما تركبينها تكونين حاطة طبقة خفيفة من المسكارة على رموشك عشان تندمج مع الرموش و ما يبان اي قرق بينهم و لا تحطون مسكرة على الرموش التركيب ابدا , خصوصا اذا كانت منك لانه يدمرها 




و بكذا يكون خلص هالبوست, كل شي يحتاج وقت عشان تبدعين فيه و تتقنينه اهم نصيحة اقولها لكم هي التدريب متى ما فضيتي اتدربتي علي اي لوك يجذبك من انستغرام او يوتيوب و حاولي تطبيقين اللوكات بطريقة تناسب عينك و جربي الالوان المختلفة الين ما تلاقين الدرجات اللي تناسبك , ابدا لا تخافين من الالوان الغير اعتيادية راح تنصدمين بجمال التجانس بين الالوان لما يكتمل المكياج و شي طبيعي انك تغلطين و تخبصين شوي محد صار شاطر بيوم و ليلة ترى مكياج و بالنهاية ينمسح. انشاءالله انكم استفدتو و سهلت عليكم ولو شوي و اشوفكم بتدوينة جديدة

3 comments:

  1. السلسلة جدا جدا مفيدة ومعلوماتك حلوة ❤ بس هل ممكن لو مش متوافر بريمر للعين نستخدم كونسيلر

    ReplyDelete
    Replies
    1. اذا كان جفنك دهني ضروري تستخدمين برايمر لان الدهون بتفصل الشدو و بيككون المنظر مو حلو اما اذا جفنك عادي ممكن تحطين كونسيلر على طول و تثبتينة ببودرة

      Delete