Search This Blog

Saturday, July 22, 2017

سلسلة الاساسيات: فرش العين, انواعها و طريقة اختيارها

اهلين بنات انشاءالله كلكم تكونون بخير


موضوع اليوم كان بناء على طلب نسبة كبييرة منكم و حبيت اوثقة هنا عشان تقدرون تشوفونه باي وقت و اخذ راحتي بالكتابة



الفرش موضوع كبير و يحير و اغلب البنات ما يعرفون يختارون فرش تناسب حجم عينهم اوعندهم فرش و ما يعرفون يستعملونها فاليوم بشرح لكم بشكل بسيط عنهم و بركز على فرش الدمج, اذا حابين تعرفون اكثر عن كيف يطلع معاكم الشدو نظيف اضغطو هنا عشان تقرون الموضوع اللي كتبته

انواع الفرش

الفرش تنقسم لنوعين شعر طبيعي و شعر صناعي و زي ما تعرفون الشعر الصناعي مخصص للمنتجات الكريمية لتوزيعها و دمجها لانه ما يمتص المنتج بعكس الشعر الطبيعي فهو يستعمل لمنتجات البودرة

فرش العين الضرورية عند كل بنت

مو لازم يكون عندك عدد كبير من الفرش عشان تسوين اي لوك تبينه و مع الوقت و الممارسة بتعرفين ايش ناقصك فأذا ابد ما عندك خبرة لا تاخذين مجموعة فرش كبيرة لان بتحتارين و بيصعب عليك الموضوع

خلي عندك : فرشة دمج, فرشة فلات عشان تحطين الشدو على الجفن المتحرك, فرشة البينسل اللي يجي شكلها زي القلم حلوة لتحديد الكسرة او دمج الشدو تحت العين او تموية الايلاينر و اخر شي فرشة دقيقة لاضاءة المدمع و شدو تحت العين

اهم نقطة ضروري تعرفونها هي مقياس حجم الفرشة مقارنة بحجم عينك و المساحة اللي عندك بين الجفن و الحاجب لانها تلعب دور كبير فلو اخذتي فرشة مرة كبيرة و عينك صغيرة ما راح يبان شغلك نظيف و بيوصل الشدو للحاجب و ما راح يطلع زي ما تبين




كبداية هذول بيكونون كافين لك عشان تسوين اي لوك سواء خفيف او ثقيل و زي ما قلت لكم مع الوقت بتبدين تعرفين ايش ناقص من فرش العين و تبدين تشترينهم بالتدريج


فرش الدمج

طبعا في كثير انواع و احجام لفرش الدمج بوريكم بعضها و بشرح لكم استخداماتها عشان تاخذون فكرة و تعرفون ايش تحتاجون




النوع الاول: تجي الفرشة منفوشة و شعرها طويل هذي حلوة لتوزيع اللون على الكسرة او كامل الجفن او ما بين تدرجات الشدو عشان يبان كلة مدموج صح و ما في حدود, هذي اشوفها اساسية عند كل بنت



النوع الثاني: فرش الدمج المضغوطة يكون شعرها اقصر من اللي قبل, هذي حلوة لدمج الالوان بالكسرة بشكل ادق بدون ما توزع اللون كثيير فيكون عندك قدرة تحكم اكثر بالتوزيع



النوع الثالث: فرش الدمج المدببة (يكون حجمها متوسط و الشعر فيها طويل) مناسبة للشغل الدقيق للكسرة او لو تبين تحددين الزاوية الخارجية او الداخلية للعين و حتى لتوزيع الشدو تحت العين



النوع الرابع: فرش الدمج الدقيقة, هذي ممتازة للي تحب تسوي لوكات محددة و تبي تتحكم بمكان الشدو و طريقة دمجة ممكن تستعملينها للالوان الغامقة بالكسرة او لدمج تحت العين , حلوة بالكسرة للبنات اللي عيونهم صغيرة



تذكرو ان كل ما قل شعر الفرشة قلت مساحتها بالدمج و كل ما كان الشعر طويل فتوزيها للون بيكون خفيف مو مركز

كيف ادمج صح؟

 لا تاخذين كمية كبيييرة من الشدو دايم ابدي بكمية قليلة و زيدي بالتدريج لان اسهل عليك بالدمج و تقللين من اي اخطاء ممكن تصير معاك و خذي وقتك و انتي تدمجين لا تستعجلين

احرصي ان المكان اللي تتمكيجين فيه اضائتة كويسة عشان تشوفين بالضبط وش قاعدة تسوين و الالوان باينة بشكل واضح, اكيد كلنا حصلت لنا مواقف اننا تمكيجنا باماكن اضائتها سيئة و انصدمنا بالنتيجة زي غرف الفاندق

لا تمسكين الفرشة قريب من الشعر كذا انتي قاعدة تحطين ضغط عليها و ممكن تواجهين صعوبة بالدمج و يطلع معاك مبقع



 امسكيها من النص او النهاية شان يخف الثقل و تصير يدك خفيفة و انتي تدمجين ان هي اللي بتسوي الشغل عنك و بتوفين كيف دمجك بيتحسن بس لانك مسكتي الفرشة بشكل مختلف 



حركة الفرشة: هذي من النصايح المهمة اللي مو كثير بنات يركزن عليها و ما يدرون انهم يغلطون, اذا انتي تبين توزعين اللون و تسحبينه على برى حركي الفرشة بطريقة المسح (روحي و ارجعي) بشكل خفيف دايما نسوي ذا لما نحط اللون الانتقالي او ندمج ما بين الدرجات عشان ما يصير في حدود



 اما اذا تبين تدمجين اللون بمكان معين و تبين تتحكمين بانتشارة او لو حابة تمدين اللون على كامل العين بشكل شوائي حركي الفرشة بشكل دائري بنفس طريقة المسح. اكيد حجم الفرشة و طول الشعر بيغير من النتيجة



ايش افضل انواع الفرش؟

حلو ان تشترين شي و يدوم معاك و تبنين عليه احسن من ما تاخذين شي جودتة سيئة و ما يعطي نتيجة صح, انا احب فرش سيجما عندهم مجموعات مختلفة و يعيشون معاك لمدة طويلة بدون ما يتغيرون و نفس الشي زويفا خذي مجموعة و اللي ينقصك اشتريه لحاله كل هالماركتين يسمحون لك تشترين الفرشة بشكل منفصل, فرش سيفورا كمان جودتها زينة



بكذا نكون خلصنا موضوع فرش العين ان شاء الله انكم استفدتو و تعلمتو شي جديد بدون ما اكون طولت عليكم و  اشوفكم بتدوينة جديد


6 comments:

  1. شركة المثالية للتنظيف

    شركة المثالية توفر علي ربة المنزل عناء التنظيف، والمواظبة علية بإستمرار، خصوصا وأن ربة المنزل الآن يكون عليها مهام كثيرة شاقة ولا يكون لديها مساحة من الوقت للقيام بمهام التنظيف، وليس فقط التنظيف هي من مهام الشركة بل أن الشركة أيضاً تُقدم مجموعة مُختلفة من الخدمات الأخرى التي تخدم راحة عُملائها، بالإضافة إلي تقديم مُستوي عالي من الكفاءة في تنفيذ الخدمة.
    خدمات شركة المثالية:
    ولأن شركة المثالية تقوم علي راحة عُملائها في تقوم بتوفر مجموعة مُختلفة من الخدمات مثل:
    • تنظيف الستائر.
    • تنظيف المفروشات.
    • تنظيف السجاد والموكيت.
    • تنظيف الكنب.
    • تنظيف المجالس.
    • مُكافحة الحشرات.
    • رش مُبيدات.
    • تسليك مجاري.
    حيثُ أن لدينا مجموعة من أكفأ العمُال والأيدي العاملة، بالإضافة إلي اننا يوجد ليدنا أحدث أنواع الأجهزة والماكينات التي تُساعدنا في عملنا، بالإضافة إلي أن المساحيق المُستخدمة في عمليات التنظيف نقوم بإستيرادها من الخارج، وهي مُصرحة من وزارة الصحة ولا ضرر عليها.
    كما أن شركة المثالية تستقبل تليفونات عُملائها علي المدار اليوم لإستقبال طباتهم وإستفسارتهم بإستمرار.
    عزيزي العميل نُحاول أن نوفر لك جميع ما تحتاج إلية، علاوة علي ان أسعارنا لا تقبل المُنافسة.

    ReplyDelete
  2. افضل خدمات التنظيف بالدمام تجدونها مع شركة تنظيف مسابح بالاحساء شركة المثالية للتنظيف المتفوقة والمتقدمة دائما لانجتزتها وخبرتها الكبيرة التي قدمتها لعملائها بالجودة والمواصفات القياسية بالاسعار المناسبة والجودة العالية بخصومات تصل الي 50% مع الضمان للجودة

    شركة تنظيف مسابح بالدمام

    ReplyDelete
  3. يعطيك الف عافية , حبيبي عندي مشكلة في الشدو , بعد مع احط كنسيلر و لونين او ثلاثة من الشدو و اقعد ساعة بيه , كل شي يندمج و يقلب لون واحد 😩 , كيف ممكن احل المشكلة ؟ مع العلم عيوني مبطنة

    ReplyDelete