Search This Blog

Tuesday, August 8, 2017

the other side of me جانب مختلف من حياتي

اهليين بنااات 

مبسوطة جدا بهالتدوينة لان معاي اكثر من بلوغر احبهم و اتفقنا ان بهذا التعاون نطلع من جو المكياج و نعرفكم عننا اكثر
فاليوم التدوينة بتكون عن اشياء احبها خارج عالم المكياج

طريقة القهوة السحرية

اول شي ببداء فيه هو حبيبة قلبي القهوة اللي متابعيني بسناب يعرفون مدى عشقي لها و في وصفة كل ما اسويها تنهار علي الاسئلة فقلت اشارككم الطريقة هنا اسهل و عشان ما يصير فيه عذر للغذرات ههههههههه
انا تعلمتها من بلوغر بحرينية اسمها نبيلة بسناب شات بكتب لكم حسابها للي حاب يضيفها 
snapchat: noono_94



بتحتاجون علبة نسكافية او اي قهوة تحبونها انا استعمل نسكافية غولد
ربع العلبة سكر هالكمية بس تلغي مرارة القهوة انا ما احبها حالية ابد ممكن تزيدين براحتك, و ربع العلبة موية باردة


اذا تبون تحطون منكهات ضيفو اللي تحبون(احط علبة بودرة فانيلا) ممكن تحطون كراميل او شوكلاتة براحتكم
حطو كل هالمكونات مع بعض و استعملو مضرب يدوي هذا اهم نقطة


اخلطوها تقريبا 10 دقايق الين تصير زي الكريمة ثقيلة و بيفتح لونها بعدين عبوها بعلب و خلوها بالفريزر ما تتجمد ابد بيظل قوامها كريمي و كل ما بغيتو قهوة خذو منها ملعقتين او 3 و حطو معاها الحليب سواء لقهوة باردة او حارة طمها مرة حلو  و لاننا خفقناها تسوي رغوة على السطح فتصير كانها من الة قهوة ما استغني عنها للجامعة لانها سريعة و اذا ما عندكم مكينة قهوة بتحبونها

الافلام و المسلسلات

مرررة احب الافلام و المسلسلات و اقدس وقتها لازم اسوي لي جو و ما احب احد يزعجني و انا من الناس المزعجة اللي لما امدح لاحد فلم او مسلسل اصير ابي اشوفه معاه عشان اتاكد انه مركز و لاااازم يعجبهم


انا اتفرج اونلاين ما احب احمل الحلقات و هذا هو الموقع اللي استعمله فيه ل شي و تنزل الحلقات بسرعة بس حددي المسلسل اللي تبينه و تحت كل حلقة بقسم التعليقات بتلقون الناس تاركين روابط مجانية كثييير اختارو اي واحد و تفرجو
 tvmuse.com


احب اصبغ

ما اقصد شعري احب ادهن طاولات ,كراسي, ابواب اي شي مرة استمتع و مرة اخذت دورة عن هالشي



ابحث عن اللي اشوفة او اقراة

دايما عندي ضول اذا سمعت قصة احد او شي قديم و تاريخي يصير عندي فضول اعرف السالفة كلها و عادي اقعد ساعات اشوف افلام وثائقية بسبب كلمة قريتها او خبر لازم ما يفوتني شي ههههههه و على طاري الافلام الوثائقية بقول لكم على عادة غريبة عندي لما تصير فترة الامتحانات النهائية بالجامعة تمسك معاي افلام وثائقية عن امراض نادرة و جرائم قتل عشان اهيئ نفسي و اتقبل النتيجة مهما كانت هههههههههه

هذي من القنوات المفضلة عندي بيوتيوب موجود فيها افلام وثقائية ثيرة و متنوعة

هوس الترتيب 

انا اعتبرة شي حلو و انبسط عليه (قاعدة اسلك لنفسي) لازم اغراضي تكون مرتبة و بمكانها ولازم اللي يستعملها يعاملها نفس معالمتي خصوصا المكياج عادي جدا انظف ورى اختي اذا جت استعملت تسريحتي بثرة صح! هههههه و اول فكرة تجي ببالي لما اعصب هي اني انظف او اقد ايد ترتيب الاغراض بس لحد يقول لي رغد روحي نظفي اغراضك او ترتبينهم لازم من نفسي

الشموع

 اعترف ان عندي هوس شمووع عادي اجمع مليون وحدة دايم احرص ان ريحة غرفتي حلوة و اخاف يخلصون فاستغفل تخفيضات bath and body works


احب الشمس 

ادري انه هالشي ممكن يكون غريب بس صدق نفسيا يجيني اكتاب اذا مثلا قمت و الشمس مو طالعة احس لازم اشوفها ههههه 
و احب اقعد بمكان منور يجيب لي سعادة و يحسن مزاجي و كمان ما احب اقعد بمناطق مغلقة لما اطلع لازم المكان يكون مكشوف احب اشوف الناس 
 و الزحمة و الحركة ما احب ينقفل علي بستارة كاني قاعدة بالبيت و يا سلااام لو انت الجلسة خارجية بس جونا ما يساعد للاسف 

التصوير

مو التصوير الشخصي احب اصور منتجات او مناظر مرة استمتع بوقتي و و انا اصور او اعدل الصور و الوقت اللي اقعد افكر كيف اخلي الشي يشد النظر

التسوق الوهمي

,في عادة انبسط عليها و احس اني مجنونة شوي احب افتح مواقع اونلاين لاي شي و كل شي اثاث, لوح, ملابس, مكياج, منتجات عناية, اشياء غريبة و اقعد انقي اغراض و انسق و اعبي السلة بس ما اشتري ولا شي منهم و خلاص يطلع من راسي اصير ما عاد ابيه ههههههههه


الحين بحط لكم روابط البنات المشاركين معاي بهالفكرة الحلوة

أمل سلطان @Terter_Thinks
http://geni.us/terterthinks

المها بيوتي @Almaha_Beauty_
http://geni.us/almahabeautyblog

غادة عبدالله @Ghada_Abdullah09
http://geni.us/ghadaabdullah

بيان @Bayanola92
http://geni.us/bayanola

مرمر @Murmur_blog
http://geni.us/murmurblog

نورة @whatauraloves

أشواق خالد @Ashwaqkh 
https://www.instagram.com/ashwaqkh/?hl=en


حنان الهيدان @Chat_With_Hanan
http://geni.us/chatwithhanan


اتمنى انكم استمتعتو بهالتدوينة بقد ما انا استمتعت بكتابتها و اشوفكم بتوينة جديدة قريييب  

7 comments:

  1. شخصيتك جداً جميله وعندك اشياء كثير مشابهه فيني خصوصاً ترتيب المكياج ولا مدحت فلم ولا مسلسل..
    شكراً لك على مشاركتك لنا جزء من شخصيتك المميزه ❤️

    ReplyDelete
  2. الفكرة جميلة وتعاونكم جميل ... استمتعت بالقراءة وتعرفت على شخصيات جديدة من المدونات
    وعادتك في التسوق الوهمي مثلي بالضبط وأتوقع المتعة أنه عارفه مب دافعة شيء فأضيف
    إلى مالانهايه وبدون تأنيب ضمير، بس اللي يضايق وقت يجي الجد وأبي اشتري كل اللي كنت اضيفه ماألقاه
    وبالأخير شاكرة مجهودكم وبالتوفيق يارب

    ReplyDelete
  3. أستمتعت وأنا أقراه 💛💛💛.

    ReplyDelete
  4. شركة المثالية للتنظيف تسعد بتقديم خدماتها لعملائها بالمنطقة الشرقية خدمات تنظيف خدمات مكافحة حشرات خدمات تسليك مجاري المياه للمطابخ والحمامات جميع الخدمات المنزلية تجدونها مع شركة المثالية للتنظيف بافضل جودة وارخص الاسعار بالاعتماد علي كافة الادوات الحديثة والعمالة الماهرة

    شركة المثالية للتنظيف
    شركة المثالية للتنظيف بالدمام
    شركة المثالية للتنظيف بالخبر

    شركة المثالية للتنظيف
    شركة المثالية للتنظيف بالاحساء
    شركة المثالية للتنظيف بالجبيل

    ReplyDelete