Search This Blog

Saturday, February 13, 2016

سلسلة الاساسيات: skin prep تجهيز البشرة للمكياج



بسم الله هذي اول تدوينة لي و متحمسة لها مرة




اهلين بنات ان شاء الله كلكم بخير 

 كلنا نعرف اهمية تجهيز البشرة من ناحية النظافة و الترطيب مرة بيفرق معاكم الشكل النهائي للمكياج, بهالبوست بشارككم طريقتي (انا بشرتي نوعها مختلطة) لا تهملون تهيئة بشرتكم  للصباح ممكن تختصرون الخطوات بغسول و ترطيب و للمساء او المناسبات تزودون خطوات على حسب وقتكم

نقطة مهمة: اي منتج علاجي من تفتيح بقع او تقشير لا تحطونة الصباح او قبل المكياج عشان ما يتأثر بمواد ثانية او من اشعة الشمس فيعطي نتيجة عكسية و يضر بدال ما ينفع اتركوه للعناية الليلية


اول خطوة: تنظيف البشرة
هالنقطة جدا مهمة عشان تتخلصين من الشوائب اللي على بشرتك و يكون سطح نظيف يستقبل اي شي يجي عليه


انا استعمل فوريو لونا ميني موجودة بوايتس من الناحية الخلفية لانها اقوى شوي فتسوي لي تقشير بسيط مع غسول غارنيه جبته من التميمي ينظف وجهي كويس بدون ما ينشفة و كاتبه عنهم بأنستغرام  او استعملي اي مقشر او غسول  تحبينة المهم ان بشرتك تكون نظيفة 




زي ما تشوفون هالناحية حبيبات السيلكون فيها اكبر فيكون تنظيفها اقوى كأنها مقشر 



الخطوة الثانية: تقشير و ترطيب الشفايف
 ما اتوقع في وحدة منا تحب شكل الشفايف الناشفة او المشققة عشان كذا احرصي انك تقشرينهم كويس و تستعملين مرطب قوي قبل اي شي تسوينه و خليه على شفايفك طول مدة التجهيز الين توصلين لوقت الروج لو كان لسه في زايد على شفايفك ما امتصته ممكن تشيلينه بشويش بمناديل و تبدين بروجك او التحديد


انا احب مقشر لش افضل مقشر استعملته رقيق على الشفايف و يشيل كل الجلد الناشف بدون ما يأذي شفايفي او ينشفها زيادة, المرطب ما استعمل الا حبيبي كارمكس لو شفايفكم تعبانه خذوه بدون تردد يرطب و يعالج الشفايف و يدوم لوقت طويل و ما فيه كحول او عطريات زي المرطبات الثانيه اللي تخلي شفايفك ناشفة و تظلين تستعملينهم بدون تحسن  بسبب الكحول المضاف ولا يسود الشفايف, انا اجيبة من التميمي    



الخطوة الثالثة: ترطيب و عناية
مهما كان نوع بشرتك لازم ترطبينها قبل المكياج و لكل بشرة في كريمات تناسبها , عدم ترطيب البشرة يكون احيانا سبب من اسباب عدم ثبات  الاساس  لان لما تحطين على بشرتك شي سائل و هي عطشانة بتمتصة كمرطب عشان كذا لا تنسين تستعملين كريم ترطيب.


  البنات اللي بشراتهم دهنية او مختلطة جيبو الكريمات اللي تكون خفيفة, خاله من الزيوت و قومها اقرب للجل عشان ما تدهنكم زياده او تقعد كطبقة فوق بشرتك انا استعمل واحد من بوتس  قوامه جل و مكون من مواد طبيعية تمتصة البشرة بسرعة و ما يخليني ادهن خلال اليوم هو من نفس ماركتهم اسمه 
  سعرة 40 ريال botanics - mattfying gel cream  


ترطيب منطقة تحت العين ضروووري لان هالمنطقة رقيقة و ما تنتج زيوت فما لها اي ترطيب ذاتي وكريم العين بيساعدكم بمشكلة تخطيط و جفاف الكونسيلر فلا تهملونه, انا ستعمل كريم كيلز بالافوكادو هو للترطيب بس ما له اي فوائد علاجية للهالات و غيرة

احب كمان ارش اي سبراي للبشرة سواء فكس بلس او موية ورد خصوصا قبل الكريم او لو بتستعملون سيروم يعتبر خطوة ترطيب اضافية و يساعد بامتصاص الكريم او السيروم من بعده 

سيروم الاضاءة من شركة كوميدونس تلقونها بصيدلية وايتس احسه نسخة اخف من ماك ستروب كريم فيه لمعة ذهبية خفيفة مره حلو قبل المكياج ينور الوجه و يبين البشرة صحية 



الخطوة الرابعة: الماسكات السريعة
هالخطوة مو اساسية بس حلوة لو عندك مناسبة او شي معين و محتاجة بشرتك تكون بأحسن حال


هالنوع من الماسكات يعطي نتيجة فورية فخذي شي لاحتياجك سواء ترطيب او انتعاش و حطيهم بعد ما تغسلين وجهك و 
بعدين  كملي خطوات العناية عادي و الزايد مدية على بشرتك و الرقبة بمساج خفيف, بيعطونك نتيجة سريعة تأدي الغرض 

المدة
بعد 10 دقايق تقدرين تبدين مكياجك عادي عشان تكونين متأكدة ن بشرتك امتصت كل شي



بكذا نكون انتهينا ان شاءالله انكم استفدتو و لا تنسون تشاركوني رايكم بهالبوست  و تكتبون لي اقتراحاتكم للتدوينات الجاية بأذن الله  

12 comments:

  1. بالتوفيق رغد ومنها للأعلى يآرب 😍❤️❤️

    ReplyDelete
  2. من زمان ننتظر �� بالتوفيق ������

    ReplyDelete
  3. جمييييييل جداً ، يعطيك العافيه حبيبتي استمري ����

    ReplyDelete
  4. 👏🏽😍 الله يوفقك يا رغودة

    ReplyDelete
  5. Congrats �� So happy for you ����

    ReplyDelete
  6. مووضوع مرره جميل تحمست اجرب فوريو لونا من وايتس بعد مدحك بجربه ان شالله
    مبرووك اول تدووينه اشتقنا لك

    ReplyDelete
  7. موضوع جميل ، الله يسعدك يا رغد ومبرووك افتتاح مدونتك 💗

    ReplyDelete
  8. مبروك افتتاحك للبلوق حقك منها للاعلى حبيبتي ❤︎ Proud of you Boo

    ReplyDelete
  9. السلام عليكم ورحمة الله وبركاته .

    اعزائي العملاء اهلا ومرحا بكم عنا في شركة تختص بخدمات نقل العفش في منطقة جدة شركتنا من الشركات المعروفة في مجال نقل العفش فاا بحثت اسم واحة الخليج لنقل العفش بجدة سوف نظهر لك في محركات البحث .

    شركة نقل عفش بجدة



    تشمل خدماتنا مراحل عدة تمر بها مرحلة نقل العفش لكي تتم الخدمة بكل سهولة ويسر :

    خدمة تغليف العفش
    خدمة تخزين العفش
    خدمة نقل العفش عن طريق الاوناش الهيدروليكية
    خدمة وضع العفش بطرق صحيحة في سيارات خاصة بنقل العفش

    تعرف على معلومات وتفاصيل اكثر عن طريق زيارة الخدمات الاتية بالضغط عليها وسوف يقوم بتحويلك على الخدمة مباشرة :

    افضل سيارات نقل عفش بجدة


    شركة نقل اثاث برابغ 300 ريال


    نقل عفش برابغ

    نقل عفش بجدة

    نقل عفش برابغ

    نقل عفش بمكة



    ReplyDelete
  10. شركة تنظيف خزانات بجدة
    شركة الياسمينة أفضل شركة تنظيف خزانات بجدة وكذالك أفضل شركة عزل خزانات بجدة حيث أنها تستخدم أفضل مواد تنظيف وغسيل وتطهير وتعقيم الخزانات وكذالك أيضا أفضل مواد العزل الحديثة بأرخص الاسعار بين جميع شركات تنظيف وعزل الخزانات بجدة عمالة مدربة على اعلى مستوى من الدقة والتميز فى تنفيذ الاعمال .
    شركة عزل خزانات بجدة

    ReplyDelete